2020 жылғы 8 қаңтарда Павлодар технологиялық колледжіне институт проректоры Сун Юаньвэнь және «NFC Kazakhstan» ЖШС бас директорының орынбасары Чжан Цяньцзюнь бастап Қытай Халық Республикасының делегациясы келді. Сапар барысында Ресурстар мен қоршаған ортаның Ланьчжоу кәсіби институтының өкілдері колледждің материалдық-техникалық базасымен таныстырылды. Кездесу кезінде ынтымақтастық пен бірлескен қызмет мәселелері: инженерлік-педагогикалық кадрлар біліктілігін арттыру, тағлымдамаларды өткізу, оқытушылармен алмасу, сонымен қатар студенттердің академиялық ұтқырлығын ұйымдастыру талқыланды.

Кездесу қорытындысы бойынша проректор Сун Юаньвэнь Павлодар технологиялық колледж басшылығын ынтымақтастық туралы меморандумға қол қою үшін Ланьчжоу колледжіне шақырды.