«Павлодар технологиялық колледжі» ШЖҚ КМК WorldSkills стандартының «Аспаз ісі» құзыреттілігі бойынша демонстрациялық емтихан өткізілді. Демонстрациялық емтиханға «Тамақтандыру кәсіпорындары өнімдерінің технологиясы және өндірісті ұйымдастыру» мамандығы бойынша 4 курс студенттерінен 5 адам қатысты.

Тапсырмалар мен бағалау құжаттарының кешенін колледж оқытушылары «Talap» КЕАҚ-мен бірлесіп әзірледі. Тапсырма 3 модульден тұрды: 1 модуль – «Жылы салат», 2 модуль – «Ыстық тағам», 3 модуль – «Десерт» . Демонстрациялық емтихан нәтижелері бойынша студенттер Skills Pasport алды.

Сарапшылар ретінде өндірістен өкілдер шақырылды: «GQ» рестобарының бас аспазшысы - Валерий Пирогов – бас сарапшы, «Зимняя вишня» кафесінің директоры - Нургуль Шарипова, «Дастархан» мейрамханасының өндірісті меңгерушісі - Жанар Кадырова.

WorldSkills стандарттары бойынша демонстрациялық емтихан студенттер мен бітірушілердің өз мамандығы бойынша кәсіби қызметін жүргізуге мүмкіндік беретін білім, білік, дағды деңгейін анықтау мақсатында өткізіледі.